Azərbaycan, Bakı, 15 oktyabr / Trend , müxbir Ü.İsmayılova/
Azərbaycanda daşınmaz əmlakın rəsmiləşdirilməsi sahəsində "vahid pəncərə" sisteminin tətbiqi əlverişlidir, bu barədə cümə axşamı Bakı Rieltorları Assosiasiyasının prezidenti Vəfadar Axundov bildirib.
"Qeydiyyatda "vahid pəncərə" sisteminin tətbiqi bazarın aktivliyinin 100 faiz artmasına yardım edəcək" - Axundov bildirib.
Onun sözlərinə əsasən, hazırda Bakı ərazisində bir çox torpaq sahələri var ki, onların sahibləri rəsmiləşdirmə zamanı yaranan çətinliklərlə əlaqədar həmin ərazidə ev tikməyə risk etmir.
"Torpaq sahələrinin sənədlərinin rəsmiləşdirilməsi isə həmin torpaqda evin tikilməsi kimi, hətta bir neçə aya başa gələ bilər", - Axundov bildirib.
BRA-nın təsisçiləri "MBA Group" şirkəti, "New Europe" və "Baki Emlak" rieltor şirkətləridir. 2008-ci ilin oktyabrında Assosiasiya Azərbaycan Ədliyyə Nazirliyində qeydiyyatdan keçib. Hüquqi şəxslər üçün illik üzvlük haqqı 300 manat, fiziki şəxslər üçün isə 100 manat təşkil edir.
Məqalə müəllifi ilə əlaqə ünvanı: [email protected]
