Azərbaycan, Bakı, 20 oktyabr / Trend , müxbir E.İsmayılov/
"Azərenerji" SC-nin balansında olan su elektrik stansiyaları sığorta xidmətlərinin baha olması səbəbindən sığortalanmayıb. Bu barədə çərşənbə axşamı SC-nin rəhbəri Etibar Pirverdiyev deyib.
"Bu gün su elektrik stansiyaları sığortalanmayıb və bunun obyektiv səbəbləri var. Su elektrik stansiyaları çox baha qiymətləndirilirlər, hidrotexniki quraşdırılma xüsusilə bahadır və yerli sığorta şirkətlərinin vəsaitləri hesabına onları sığortalamaq mümkün deyil. Yəni belə riskləri ölkə hüdudlarından kənardakı sığorta şirkətlərinə ötürmək lazımdır ki, bu gün də bunun üçün bizim imkanlarımız yoxdur", - Pirverdiyev deyib.
Onun sözlərinə görə, ən yaxşı sığorta düzgün istifadədir. "SC tərəfindən su elektrik stansiyaları işlərinin təhlükəsizliyini qorumaq məqsədi ilə xüsusi cihazlardan istifadə etməklə daima monitorinqlər keçirilir və onlar nəzarət altındadırlar", - Pirverdiyev deyib.
Azərbaycanda energetika sahəsinin sığortası ilə yalnız Paşa Sığorta şirkəti məşğul olur. Şirkət "Azəri-Çıraq-Günəşli" və "Şahdəniz" neft-qaz yataqlarının işlənməsi və "Bakı-Tbilisi-Ceyhan" boru kəməri layihələrinin yerli sığorta tərəfdaşıdır.
Paşa Sığorta 2008-ci ilin iyul ayında Londonda milli yerli strateji sığorta tərəfdaşı qismində sertifikat alıb.
Azərbaycanda 28 sığorta və bir təkrar sığorta şirkəti fəaliyyət göstərir.
Məqalə müəllifi ilə əlaqə ünvanı: [email protected]
