Azərbaycan,Bakı,14 noyabr / Trend , müxbir Ü.İsmayılova/
Cümə günü Azərbaycanı sığorta şirkəti "BakiSighorta" ASC-nin adi adlı sənədsiz səhmləri Bakı Fond Birjasının qeyri kotirovka vərəqəsinə daxil edilib, fondun məlumatında deyilir.
17 noyabr 2009-cu il tarixindən etibarən "BakiSighorta" ASC-nin adi adlı sənədsiz səhmlərinin satışına başlanacaq. Emissiyaların həcmi 252,572 min manat, buraxılmış qiymətli kağızların ümumi miqdarı 1,084 min manat, hər birinin nominal dəyəri isə 233 manatdır. Anderrayter qismində "Respublika Invest" MMC çıxış edir.
BakiSighorta Azərbaycan sığorta bazarında 2007-ci il avqustun 28-dən fəaliyyət göstərir. Şirkətin səhmlərə nəzarət paketi "Bank Respublika " ASC-yə məxsusdur. Ödənilmiş nizamnamə kapitalı 1,5 milyon manat təşkil edir. BakiSighorta ASC Tural Sığorta şirkətinin səhmlərinin əldə edilməsi yolu ilə yaranıb. Səhmlərin qalan hissəsi isə fiziki şəxslər arasında paylanıb.
Şirkət 27 növ sığorta xidmətinin göstərilməsinə dair lisenziyaya sahibdir.
Noyabrın 14-nə olan rəsmi məzənnə 0,803 AZN/USD təşkil edir.
Məqalə müəllifi ilə əlaqə ünvanı: [email protected]