Azərbaycan, Bakı, 06 yanvar / Trend , müxbir N,İsmayılova/
"Türkiyənin Maan Guarantee Holding-nin Azərbaycanın Birlik Bank ASC-nin 40 % səhmlərinin əldə etməsi məsələsi qeyri-müəyyən müddətə təxirə salınıb", -bu barədə bankın idarə heyətinin sədri Səriyyə Səmədova çərşənbə günü bildirib.
"Biz razılığa gələ bilmirik, bu səbəbdən də danışıqlar müvəqqəti olaraq dayandırılıb. Azərbaycan tərəfi Türkiyə holdinqinin şərtlələrini qəbul etməyə razı deyil, bu da məsələnin həllini qeyri-müəyyən müddətə təxirə salıb", - Səmədova deyib.
Birlik Bank ASC 1993-cü ildə yaradılıb.
Hazırda bankın 20 fiziki şəxs - səhmdarları var. Bununla yanaşı bankın 35,08% səhmləri "AzInvest Sığorta" (şirkət əvvəllər "Nişan Sığorta" adlanırdı) şirkətinə məxsusdur. Öz növbəsində bankın sığorta şirkətindəki iştirak payı 15% təşkil edir.
