Türkmənistan, Aşqabad, 12 fevral / Trend , müxbir H.Həsənov/
Tatarıstan Respublikasının (RF) ticarət və sənaye naziri Ravil Zaripov Aşqabadda Türkmənistan hökuməti ilə danışıqlar aparıb.
Türkmənistan hökumətinin mətbuat xidmətinin məlumatına əsasən, nümayəndə heyətinın tərkibinə Tatarıstanın nazirlik və təşkilatlarının, elm və sənaye müəssisələrinin nümayəndələri daxildir.
Türkmənistanın bir sıra idarələrdə - Ticarət, Neft-Qaz Sənayesi və Təbii Sərvətlər Nazirliyində, Türkmənobaxızmat (Türkmənaqrotexnika) Dövlət Assosiasiyasında, həmçinin Səhiyyə və Nəqliyyat nazirliklərində bır sıra görüşlər keçirilib.
Məlumatda deyilir ki, Aşqabaddakı danışıqlarda əməkdaşlığın prespektiv istiqamətləri, həmçinin "nou-hau"nun tətbiq olunması, istehsalın səmərəliləşdirilməsi və müasirləşdirilməsinə toxunulub.
Türkmənistanla Tatarıstanın əməkdaşlığı mədəniyyət və elmi-texniki, ticari-iqtisadi əməkdaşlıq haqqında əvvəllər bağlanmış hökumətlərarası müqavilələrə söykənir.
