...

Azərbaycanda əsas kapitalda investisiya qoyuluşu il ərzində 5 faizdən çox artıb

Biznes və iqtisadiyyat xəbərləri Materials 17 Fevral 2010 18:46 (UTC +04:00)
2010-cu ilin yanvar ayında bütün maliyyə mənbələrindən Azərbaycanın sosial və iqtisadi sahələrinin inkişafına 401,3 milyon manat vəsait yatırılıb ki, bu da keçən ilin yanvar ayına olan göstəricini 5,6% üstələyir.

Trend-i buradan izləyin

Azərbaycan, Bakı, 17 fevral / Trend , müxbir N.İsmayılova/

2010-cu ilin yanvar ayında bütün maliyyə mənbələrindən Azərbaycanın sosial və iqtisadi sahələrinin inkişafına 401,3 milyon manat vəsait yatırılıb ki, bu da keçən ilin yanvar ayına olan göstəricini 5,6% üstələyir. Çərşənbə günü Dövlət Statistika Komitəsindən məlumat verilib ki, özəl mülkiyyətdə olan müəssisə və təşkilatlar əsas kapitalda 221,3 milyon manat, dövlət mülkiyyətində olanlar isə 180 milyon manat vəsait yatırıblar.

İnşaat-montaj işləri 218,1 milyon manat investisiyalaşdırılıb ki, bu da inşaat sektorunda ümumi investisiyanın 54,3%-ni təşkil edir. İstehsal istiqamətli obyektlərin inşası üçün 356,2 milyon manat, qeyri-istehsal obyektləri üçün isə 45,1 milyon manat investisiya yatırılıb.

Xarici investisiya 54,5%-li xüsusi çəki ilə 218,5 milyon manat təşkil edib. İnvestisiyanın ümumi həcminin 45,5%-i (182,8 milyon manat) daxili investisiyanın payına düşüb. Daxili investisiyanın böyük hissəsi (85,2%) dövlət müəssisə və təşkilatlarına yatırılıb. Yalnız 14,8% özəl müəssisələrə yatırılıb.

Əsas kapitalda qoyulan vəsaitin 57,5%-i (230,8 milyon manat) ölkənin neft sektorunun, 42,5%-i isə (170,5 milyon manat) qeyri-neft sektorunun inkişafına yönəldilib.

Bununla yanaşı, investisiyanın 61,8%-i sənayenin, 1,2%-i kənd təsərrüfatı və balıqçılığn, 0,1%-i ticarətin, 25,3%-i nəqliyyatın, 03%-rabitənin, 0,5%-i səhiyyənin, 1,5%-i təhsilin, 5,3%-i daşınmaz əmlakla əməliyyatın, 2,5%-i istirahət, əyləncə və mədəniyyətin, 0,2%-i isə digər sahələrin payına düşür.

Maliyyələşməsi büdcə vəsaitləri hesabına həyata keçirilən obyektlərin inşasına 80,7 milyon manat vəsait yatırılıb.

Müəssisə və təşkilatların əsas kapitalda vəsaiti hesabına 258 milyon manat (investisiyanın ümumi həcminin 64,3%-i), bank kreditləri hesabına 29,6 milyon manat (7,4%), büdcə vəsaitləri hesabına 88,2 milyon manat (22%), büdcəxarici fondların hesabına 12,4 milyon manat (3,1%), əhalinin şəxsi vəsaitləri hesabına 13,1 milyon manat (3,2%) investisiya yatırılıb.

Fevralın 17-nə olan rəsmi məzənnə 0,8032 AZN/USD təşkil edir.

Xəbər lenti

Xəbər lenti