Azərbaycan, Bakı, 18 iyun /Trend, müxbir N.İsmayılova/
Azərbaycanda 2010-cu ilin yanvar-may aylarında qeydiyyata alınan ipoteka kağızlarının sayı ötən ilin müvafiq dövrü ilə müqayisədə 17,5 dəfə artıb. Bu barədə Qiymətli Kağızlar üzrə Dövlət Komitəsinin məlumatında deyilir.
Hesabat dövrü ərzində 912 ipoteka kağızı qeydə alınıb. Bu göstərici 2009-cu ilin müvafiq dövründə 52 olub. İpoteka kağızlarının əlavə qeydiyyatı 5,9 dəfə artaraq 951 ədəd olub.
2010-cu ilin yanvar-may aylarında 74 ədəd girovlu qiymətli kağız qeydə alınıb ki, bu da 2009-cu ilin analoji dövr göstəricisindən 1,4 faiz çoxdur. Girovlu kağızların əlavə qeydiyyatı 63,6 faiz azalraq 8 ədəd təşkil edib.
İyunun 18-nə olan rəsmi məzənnə 0,8038 AZN/USD təşkil edir.