Azərbaycan, Bakı, 21 iyun /Trend, müxbir Ü.İsmayılova/
Azərbaycanda yanvar-may ayları ərzində istismara verilən yaşayış evlərinin ümumi sahəsi 622,8 min kvadratmetr olub ki, bu da ötən ilin müvafiq dövr göstəricisindən 47,8 faiz çoxdur. Bu barədə bazar ertəsi Dövlət Statistika Komitəsindən bildiriblər.
İstehsal obyektlərinin tikintisinə 1,538 milyard manat qoyulub ki, bu da 2009-cu ilin yanvar-mayında qeydə alınandan 29,2 faiz çoxdur. Xidmət sahəsi obyektlərinin tikintisinə 1,482 milyard manat qoyulub ki, bu da ötən ilin analoji dövr göstəricisindən 2,7 faiz azdır.
Əsas kapitalda sərmayələrin ümumi həcmi 3,021 milyard manat təşkil edərək il ərzində 11,3 faiz artıb. Əsas vəsaitlərdən tikinti-quraşdırma işlərinə xərclər 1,977 milyard manat olub ki, bu da 2009-cu ilin yanvar-may aylarında qeydə alınan göstəricidən 5,1 faiz çoxdur.
