Аzərbaycan, Bakı, 1 iyul /Trend, müxbir N.İsmayılova/
May ayında Azərbaycan banklarının depozit bazası 1,5 faiz, 2009-cu ilin mayı ilə müqayisədə 26,3 faiz artıb. Bu barədə Azərbaycan Mərkəzi Bankının (AMB) məlumatında deyilir.
AMB-nin məlumatına görə, bank depozitlərinin, hüquqi və fiziki şəxslərin əmanətlərinin ümumi həcmi mayın sonunda aprelin sonunda olan 4612,8 milyon manata nisbətən 4679,9 milyon manat təşkil edib. 2009-cu il iyunun əvvəlində isə bu göstərici 3704,8 milyon manat olub. Ümumi həcmin 1892,3 milyon manatı manat vəsaitinin payına, 2787,6 milyon manatı isə valyutanın payına düşüb.
May ayı ərzində fiziki şəxslərin əmanətləri 0,3 faiz, hüquqi şəxslərin depozitlərinin həcmi isə 2,8 faiz artıb. 2009-cu ilin mayı ilə müqayisədə fərdi müştərilərin depozitləri 29,6 faiz, korporativ müştərilərin depozitləri isə 22,8 faiz artıb.
Mayın sonunda fiziki şəxslərin ölkənin banklarındakı əmanətlərinin həcmi 2481,7 milyon manat təşkil edib. Aprelin sonunda bu göstərici 2474,7 milyon manat, 2009-cu il iyunun 1-də isə 1914,3 milyon manat olub.
Mayın sonunda hüquqi şəxslərin depozitlərinin həcmi 2198,2 milyon manat təşkil edib. Aprelin sonunda bu göstərici 1790,4 milyon manat, 2009-cu il iyunun 1-də isə 1790,4 milyon manat təşkil edib.
İyunun 30-na rəsmi məzənnə 0,8039 AZN/USD təşkil edir.
