Azərbaycan, Bakı, 11 avqust /Trend, müxbir N.ismayılova/
İlin əvvəlində Azərbaycan Mərkəzi Bankının əməliyyatları üzrə qalığı 2010-cu ilin birinci yarısının yekunları üzrə 1454 milyon manatdan 1574,8 milyon manatadək artıb. Bu barədə Mərkəzi Bankın çərşənbə günü yayılan məlumatında deyilir.
İlin birinci yarısında Mərkəzi Bank notların yerləşdirilməsi üzrə 25 hərrac keçirib. Dövlət qeydiyyatından keçən not emissiyaların ümumi həcmi 132 milyon manat təşkil edib ki, onların da 111 milyon manatı dövriyyədən çıxarılıb, qalan hissə isə Mərkəzi Bankın çərçivə alətləri qismində istifadə edilib.
Hesabat dövründə hərraclarda və hərraclardan kənarda 108,6 milyon manat məbləğində not yerləşdirilib. Banklar tərəfindən hərraclara sifarişlərin həcmi 622,57 milyon manat təşkil edib. İlin əvvəlindən notlar üzrə orta gəlir illik bir faiz səviyyəsində müəyyən edilib.
İlin əvvəlindən dövriyyədə olan notların həcmi 18 milyon manat və ya 3,2 dəfə artaraq, ilin sonuna 26 milyon manat təşkil edib. İlin birinci yarısında çərçivə alətləri üzrə əməliyyatların həcmi 343,05 milyon manat olub.
Avqustun 11-nə rəsmi məzənnə 0,8035 AZN/USD təşkil edir.
