Azərbaycan, Bakı, 18 avqust /Trend, müxbir N.İsmayılova/
Payızda Rusiya hökuməti sədrinin müavini, Prezidentin Şimali Qafqaz Federal Dairəsindəki səlahiyyətli nümayəndəsi Aleksandr Xloponinin Bakıya səfəri planlaşdırılıb. Bu barədə Rusiyanın Azərbaycandakı ticarət nümayəndəsi Yuri Şedrin deyib.
"Bu səfərin sərhədyanı ərazilərdə problemlərin həllinə və regionlararası əməkdaşlığın möhkəmlənməsinə kömək edəcəyi gözlənilir", - Şedrin qeyd edib.
Vacib məsələlərdən biri Samur çayı üzərində faktiki yeganə avtomobil buraxılış məntəqəsi olan sərhəd körpüsünün bərpasıdır. Hazırda körpü texniki cəhətdən yararsız vəziyyətdədir.
Ticarət nümayəndəsinin sözlərinə görə, Xloponinin səfərinin müddəti müəyyənləşmədiyindən, bunun Rusiya Prezident Dmitri Medvedevin başçılq edəcəyi hökumət nümayəndə heyətinin səfəri ilə üsü-üstə düşəcəyi hələ ki məlum deyil.
Hazırda Azərbaycan sahibkarları ilə sentyabrın 16-dan 19-dək Soçidə keçiriləcək beynəlxalq investisiya forumunda iştiraklarının dəstəklənməsi məqsədilə fəal iş aparılır.
"Payızda Moskvada iqtisadi əməkdaşlıq üzrə Azərbaycan-Rusiya hökumətlərarası komissiyanın növbəti iclasının keçirilməsi də gözlənilir. Onun keçirilmə tarixi dəqiqləşdirilir", - o bildirib.
Azərbaycanla xarici ticarət fəaliyyətinə Rusiyanın 80 subyektinin 68-dən 500-dən çox müəssisəsi və təşkilat cəlb edilib. Bununla yanaşı, 15 region Azərbaycanla ticari-iqtisadi, elmi-texniki və mədəni əməkdaşlıq haqqında razılaşma imzalayıb.
Əməkdaşlığın bu formatına çıxmaq üçün