Azərbaycan, Bakı 19 avqust /Trend/
Azərbaycan Nəqliyyat Nazirliyi və koreyalı mütəxəssislər Bakıda Bakı buxtası üzərindən keçəcək körpünün tikinti layihəsinin həyata keçirilmə planını müzakirə ediblər. Bu barədə Koreya Beynəlxalq Əməkdaşlıq Agentliyinin (KOICA) yaydığı məlumatda deyilir.
İclasda Azərbaycan nəqliyyat nazirinin müavini Musa Pənahov, nəqliyyat və iqtisadiyyat siyasəti şöbəsinin rəhbəri Sədrəddin Məmmədov, KOICA-nın mənzil-qərargahının Azərbaycandakı daimi nümayəndəsi Yanq-Vu Kim, Koreyanın "Expressway" korporasiyasının və layihənin təşkilat-icraediciləri "Dongsung Enginiring", "Chungsuk Enginiring" və "Dodam E&C" şirkətlərinin ekspertləri iştiark ediblər.
Texniki-iqtisadi əsaslandırmanın (TİƏ) hazırlanması üzrə 12 aylıq layihəyə 2010-cu ilin iyulunda başlanılıb. Layihənin büdcəsi 1,6 milyon dollar təşkil edir və KOICA tərəfindən maliyyələşdirilir. Azərbaycan və Koreya arasında layihə - 2010-cu ilin martında imzalanan qarant sazişi, Bakı şəhərinin nəqliyyat infrastrukturunun yaxşılaşdırılmasına və iki ölkə arasında Bakı buxtası üzərindən keçəcək körpünün inşası üçün texniki-iqtisadi əsaslandırmanın uğurla həyata keçirilməsi əsasında münasibət və əməkdaşlığın möhkəmləndirilməsinə yönəlib.
Layihənin fəaliyyət sahələri bunlardır:
1. Texniki-iqtisadi əsaslandırma
a) inkişaf planının qiymətləndirilməsi;
b) obyektlə bağlı ümumi informasiyanın tədqiqi və nəzərdən keçirilməsi;
c) hərəkət şəraitinin və nəqliyyat xidmətlərinin tələbatının tədqiqi.
2. Layihənin həyata keçirilməsi üzrə baza planının yaradılması
a) marşrutun seçilməsi;
b) ilkin layihələşdirmə və dəniz körpüsü tikintisinin əsas planı;
c) investisiya və maliyyə planları.
3. Azərbaycan menecer və mühəndislərinin iki həftə ərzində Koreyada təlim keçmələri (üç menecer, yeddi mühəndis).
Bu körpü Bakı buxtasının iki sonunu (Bayıl və Zığ qəsəbələri) birləşdirməli və Bakı şəhərinin nəqliyyat infrastrukturunun yüngülləşdirilməsinə kömək etməlidir. Körpünün dəniz hissəsinin uzunluğu 14 km təşkil edəcək. Beş il ərzində bu körpü üzrə işlərin başa çatdırılması planlaşdırılır.
