Azərbaycan, Bakı, 21 avqust/Trend, müxbir A.Axundov/
Yanvar-iyul aylarında Azərbaycanda tikinti işlərinin həcmi ötən ilin analoji dövrü ilə müqayisədə 25,7 faiz artıb. Bu barədə bazar ertəsi Azərbaycan Dövlət Statistika Komitəsindən verilən məlumatda deyilir.
O cümlədən dövlət və özəl şirkətlər tərəfindən həyata keçirilən tikinti işlərinin həcmi ümumi işin müvafiq olaraq 27,4 və 72,6 faizini təşkil edib.
Tikinti işlərinin ümumi həcminin 72,7 faizi ilkin tikinti, 18 faiz yenidənqurma və genişləndirmə, 4,7 faizi əsaslı təmir, 4,6 faizi cari təmir, 4,4 faizi isə digər tikinti işlərinin payına düşür.
Yanvar-iyul aylarında Azərbaycanın tikinti sektoruna 59,2 min nəfər cəlb olunub, bu sahədə əmək haqqının nominal səviyyəsi 2009-cu ilin yanvar-may aylarındakı göstəricidən 11,8 faiz çox olmaqla 496,7 manat, həmçinin dövlət şirkətlərində 351,5 manat, özəl şirkətlərdə isə 642,2 manat (+27,4 faiz) təşkil edib.
Böyük və orta tikinti şirkətlərində əməkhaqqının nominal səviyyəsi 529,9 manat təşkil edib. Bina tikintisi və xüsusi tikinti sahələrində əmək haqqının miqdarı bir ilə müvafiq olaraq 18,9 faiz artaraq 540,8 manat olub.
