Azərbaycan, Bakı, 31 avqust /Trend, müxbir A.Axundov/
Azərbaycanın "Atasığorta" şirkətinin 2010-cu ilin yanvar-iyul aylarında topladığı sığorta mükafatlarının ümumi həcmi 1930,1 min manat təşkil edib ki, bu da ötən ilin müvafiq dövrünün göstəricisindən 8,5 % çoxdur. Bu barədə şirkətin məlumatında deyilir.
Hesabat dövründə 370,7 min manat həcmində sığorta ödəmələri həyata keçirilib ki, bu da ötən ilin müvafiq dövrünün göstəricisindən 0,8 % çoxdur.
İlk yeddi ay ərzində şirkət 585,1 min manat balans mənfəəti əldə edib ki, bu da cari ilin proqnoz göstəricilərini 16,8 faiz üstələyir.
"Atasığorta" ASC 2004-cü ilin sentyabr ayından sığorta bazarında fəaliyyət göstərir. Səhmdarı "AtaHoldinq" ASC olan şirkətin faktiki ödənilmiş nizamnamə kapitalı 4 milyon manat təşkil edir.
