Azərbaycan, Bakı, 21 sentyabr /Trend, müxbir N.İsmayılova/
Dünya fond bazarlarında investorların fəallığının bərpası üçün iqtisadi dinamikanın sabitləşməsinin təməl əsasları lazımdır. Bu barədə çərşənbə axşamı Azərbaycanın Qiymətli Kağızlar üzrə Dövlət Komitəsinin (QKDK) sədri Rüfət Aslanlı deyib.
"Son il yarım - iki ildə qlobal səviyyədə aparılan xəzinə və stimullaşdırıcı tədbirlər nəticəsində artıq cari ilin ortalarına fond bazarının qlobal səviyyədə sabitləşməsi prosesi müşahidə olunmağa başlayıb. Lakin makroiqtisadi sabitliyin zəifliyi hələ ki müzakirə edilir", - Aslanlı bildirib.
Onun sözlərinə görə, öz növbəsində investorlar qərar qəbul edərkən rəqabəqtli bazarın təkcə dinamikasına deyil, eləcə də fundamental ekoloji proseslərə nəzarət edirlər. Onun fikrincə, qlobal səviyyədə investorların fəaliyyətinin bərpasını gələn ilin ortalarında gözləmək lazımdır.
Aslanlı onu da qeyd edib ki, indi ölkənin fond bazarında defolt hallara təsadüf edilmir, dövlət qiymətli kağız və istiqrazlar seqmentində müsbət dinamika yaranıb. Bundan başqa, korporativ qiymətli kağızların dinamikası da müsbətdir.