Azərbaycan, Bakı, 21 sentyabr /Trend, müxbir N.İsmayılova/
Azərbaycan Milli Məclisində "İnvestisiya fondları haqqında" qanun layihəsinin ikinci oxunuşda müzakirəsi payız sessiyasının ilk iclaslarında gözlənilir. Bu barədə çərşənbə axşamı Azərbaycan Qiymətli Kağızlar üzrə Dövlət Komitəsinin sədri Rüfət Aslanlı deyib.
"Biz parlamentlə intensiv müzakirələr aparırıq və qanun layihəsi artıq ikinci oxunuşa hazırdır", - Aslanlı qeyd edib.
Onun sözlərinə görə, hazırlıq çərçivəsində bu gün parlamentin müvafiq komitəsinin rəhbərliyi ilə danışıqlar keçirilib.
Yeni qanunda Azərbaycanda payçı səhmdar investisiya fondlarının yaradılması, eləcə də intervallı payla pay investisiya fondlarının açılması və bağlanılması nəzərdə tutulub. Investisiya fondlarının fəaliyyəti Qiymətli Kağızlar üzrə Dövlət Komitəsi tərəfindən lisenziyalaşdırılacaq.
Qanun layihəsinə əsasən, Azərbaycanda ölkə vətəndaşlarına ölkənin səlahiyyətləri xaricində xidmətlər göstərəcək xarici investisiya fondlarının nümayəndəliklərinin açılmasına icazə verilir. Bununla yanaşı, xaricdə belə fondların fəaliyyətini tənzimləyən mexanizmlər Azərbaycanda qəbul edilən mexanizmlərdən zəif olmamalıdır ki, bu da Azərbaycan investorlarının müdafiəsi üçün əsas tələbdir.
İnvestisiya fondları fond birjalarında əməliyyatlar apara bilən peşəkar menecerlərin idarə etməli olduqları özünəməxsus maliyyə müəssisəsidir. İnvestisiya fondları öz vəsaitlərini müxtəlif maliyyə aktivlərinə - səhmlərə, müəyyən edilmiş gəlirlə borc alətlərinə yerləşdirə bilərlər.
İnvestisiya fondlarına banklar kimi müəyyən edilmiş gəlirləri açıqlamaq qadağan edilir, belə ki, onlar vəsaitləri riskli aktivlərə, gəlirliliyi dividendlərdən asılı olan səhmlərə yerləşdirirlər ki, bununla əlaqədar zəmanət vermək düzgün olmaz.
Qanun layihəsinin hazırlanmasında 30 ölkənin təcrübəsi və Avropa İttifaqının direktivləri öyrənilib.
"İnvestisiya fondları haqqında" qanun layihəsinin beynəlxalq ekspertizası məqsədilə "First Initiative" texniki kömək proqramı çərçivəsində ekspertlər cəlb edilib.
