Azərbaycan, Bakı, 30 sentyabr /Trend, müxbir E.İsmayılov/
İlin sonuna qədər Biləsuvar rayonunda yerləşən Azərbaycan və İran arasında gömrük-buraxılış məntəqəsi gecə-gündüz iş rejiminə keçəcək. Bu barədə cümə axşamı Bakıda İran Prezidenti Aparatının İqtisadi məsələlərə nəzarət şöbəsinin müdiri, vitse-prezidentin müavini Əli Ağa Məhəmmədi deyib.
"Biz Biləsuvarda gömrük-buraxılış məntəqəsinin işini 24 saat boyunca fəallaşdırmaq üçün bu razılığa gəlmişik", - Məhəmmədi deyib.
Həmçinin, Məhəmmədinin sözlərinə görə, tərəflər iki ölkə arasında əlavə gömrük-buraxılış məntəqələrinin açılması məsələləri barədə razılığa gəliblər. İran Azərbaycan tərəfinin təklif etdiyi məntəqələrin yerləşmə variantına baxmağa hazırdır.
Azərbaycanla birtərəfli olaraq viza rejiminin ləğv edilməsi ilə bağlı İrana getmək istəyən insan axınının çoxalması şərtlərində sərhəd keçidini yüngülləşdirmək məqsədilə İran, gömrük-buraxılış məntəqələrində "bir pəncərə" sisteminə keçmək və həmçinin, onların işini genişləndirmək niyyətindədir.
