...

Azərbaycanın da tərkib hissəsi olduğu qlobal iqtisadiyyat artıq tənəzzüldən çıxır – Mərkəzi Bankın rəhbəri

Biznes və iqtisadiyyat xəbərləri Materials 12 Oktyabr 2010 16:05 (UTC +04:00)

Azərbaycan, Bakı, 12 oktyabr /Trend, müxbir İ.Xəlilova/

Azərbaycanda ortamüddətli perspektivdə büdcə siyasətinin əsas istiqamətlərinin müzakirələri dünya iqtisadiyyatının tarixi dövrü ilə eyni vaxta təsadüf edib. Bu barədə Mərkəzi Bankın İdarə Heyətinin sədri Elman Rüstəmov çərşənbə axşamı Milli Məclisin plenar iclasında 2011-ci il büdcə layihəsinin müzakirəsi zamanı bildirib.

"Azərbaycanın da tərkib hissəsi olduğu qlobal iqtisadiyyat artıq son iki il ərzində davam edən tənəzzüldən çıxır və iqtisadi artım nümayiş etdirməyə başlayıb", - Rüstəmov bildirib.

Onun fikrincə, böhran və tənəzzülün aktiv fazasının risklərinin geridə qalmasına baxmayaraq, hazırda dünya iqtisadiyyatı ciddi problemlərlə üzləşir. Xarakterinə görə onlar iki qrupa bölünür: böhranın ağır nəticələrinin aradan qaldırılması və iqtisadi artımın yeni modelinin yaradılması, iqtisadi artımın təmin olunması üçün yeni mənbələr.

"Dünya iqtisadiyyatı yeni çağırışlarla üzləşir. Onların arasında defolt risqini, dövlətlərarası köhnə borcları, işsizlik problemini və sosial problemləri, maliyyə sektorunda ciddi risklərin mövcudluğunu, dünya ölkələrində valyuta və ticarət münaqişələrini ayırmaq olar", - Rüstəmov bildirib.

Nisbətən inkişaf etmiş ölkələr böhrandan ağır nəticələrlə çıxıb və əgər hesablamalara görə, onların böhranaqədərki dövrdə borc yükləri, orta hesabla, ÜDM-nin 75 faizinə qədər idisə, 2014-cü ilədək bu göstəricinin 35 bənd artaraq, 110 faizədək çatacağı gözlənilir.

"Bu həmin ölkələrin iqtisadiyyatları üçün çoxtrilyonlu yardım proqramlarının reallaşdırılması nəticəsində baş verir", - AMB rəhbəri bildirib. - "İqtisadiyyatların bərpası dövründə bu vəsaitlər borc yükünün azaldılması və büdcələrin möhkəmləndirilməsi üçün qaytarılmalıdır".

Xəbər lenti

Xəbər lenti