Azərbaycan, Bakı, 21 oktyabr /Trend, müxbir E.İsmayılov/
Bu il Azərbaycan regionlarında Kür və Araz çaylarının məcrasından çıxması nəticəsində baş vermiş təbii fəlakət ölkədən meyvə və tərəvəz ixracına bir qədər təsir göstərə bilər. Bu barədə cümə axşamı Bakıda Azərbaycan kənd təsərrüfatı nazirinin müavini Bəhram Əliyev deyib.
Onun sözlərinə görə, daşqından zərər çəkmiş ərazilərdə meyvə və tərəvəzin becərilməsindən danışmaq hələ ki tezdir. Lakin ümumilikdə respublikada istehsal edilən tərəvəz və meyvənin həcmi ölkənin kənd təsərrüfatı məhsulunun bu növünə olan tələbatını tam ödəyir.
Azərbaycanın tərəvəz və meyvə ixracı imkanlarına malik olmasına baxmayaraq, baş verən daşqınlar onların xarakterinə bir qədər təsir göstərə bilər.
Kür çayının məcrasından çıxması və fasiləsiz yağışlar nəticəsində Azərbaycanın 40 rayonun ərazisində daşqın baş verib. Təbii fəlakət nəticəsində 20 minə yaxın ev su altında qalıb, 300-dən çoxu dağılıb. 50 min hektar əkin sahəsini su basıb.
