...

Böyük Britaniyanın Azərbaycana yatırılan xarici investisiyaların həcmində xüsusi çəkisi 50 faizi ötüb

Biznes və iqtisadiyyat xəbərləri Materials 23 Oktyabr 2010 16:16 (UTC +04:00)

Azərbaycan, Bakı, 23 oktyabr/Trend, müxbir N.İsmayılova/

2010-cu ilin yanvar-sentyabr aylarında Böyük Britaniya Azərbaycana yatırılan investisiyaların həcminə görə liderliyini qoruyub. Onun xarici investisiyaların həcmində xüsusi çəkisi 52 faiz təşkil edib. Bu barədə Dövlət Statistika Komitəsindən bildiriblər. Böyük Britaniyanın investisyaları 728,5 milyon manat təşkil edib.

Yanvar-sentyabrda Azərbaycan iqtisadiyyatına xarici ölkə və beynəlxalq təşkilatlar tərəfindən yatırılan investisiyaların 93,5 faizi (1308,8 milyon manat) Böyük Britaniya, ABŞ, Yaponiya, Norveç, Koreya, Fransa və Türkiyə investorlarının payına düşür.

Amerika investisyaları 248,699 milyon manat (17,8 faiz xüsusi çəkidə), Yaponiya 130,114 milyon manat (9,3 faiz), Norveç 80,696 milyon manat (5,8 faiz), Fransa 28,981 milyon manat (2,1 faiz), Türkiyə 70,105 milyon manat (5 faiz), Koreya 21,65 milyon manat (1,5 faiz), BƏƏ 390,6 milyon manta (0,3 faiz), Səudiyyə Ərəbistanı 3,359 milyon manat (0,3 faiz), Avstriya 551,8 min manat (0,1 faiz), Rusiya 1,94 milyon manat (0,1 faiz), Çexiya 5,07 milyon manat (0,4 faiz), İtaliya 160,2 min manat, İsveçrə 222,2 min manat, Lüksemburq 8,3 min manat təşkil edib.

Beynəlxalq maliyyə institutlarından ən böyük investisya həcmi Dünya Bankı tərəfindən (4,3 faiz xüsusi çəki ilə 59,457 milyon manat) yatırılıb. Asiya İnkişaf Bankı Azərbaycanda layihələrin reallaşmasına 16,9 milyon manat (1,2 faiz), İslam İnkişaf Bankı 2,95 milyon manat (0,2 faiz) yönəldib.

Oktyabrın 23-nə rəsmi məzənnə 0,8012 AZN/USD təşkil edir.

Xəbər lenti

Xəbər lenti