Azərbaycan, Bakı, 25 noyabr/Trend, müxbir A.Axundov/
Çərşənbə günü Bakıda keçirilən iqtisadi əməkdaşlıq üzrə Azərbaycan-Polşa birgə komissiyasının dördüncü iclası çərçivəsində Azərbaycan tərəfi Polşaya konservləşdirilmiş meyvə-tərəvəz məhsullarının (nar şirəsi və narşərab), zeytun, fındıq, pambıq və digər kənd təsərrüfatı məhsullarının ixracının artırılmasına maraq göstərib. Bu barədə cümə axşamı ölkə hökumətindən bildiriblər.
Öz növbəsində, Polşa tərəfi Azərbaycana kənd təsərrüfatı sahəsində və kəndlərin inkişafında, o cümlədən kənd təsərrüfatına dair məşvərətçi sistemin yaradılmasında, təsərrüfatın idarə olunmasında ekoloji üsulların inkişafı, ətraf mühitin qorunması və ərzaq məhsullarının təhlükəsizliyinin təminində, aqroturizmin inkişafı, kənd təsərrüfatı sahəsində biliklərin mübadiləsi üzrə effektiv sistemin yaradılması, kənd yerlərinin fəallaşması və çoxfunksiyalı inkişafında ekspert köməyini göstrəməyə hazır olduğunu bildirib. Kömək Polşanın inkişaf üzrə Proqramı çərçivəsində yuxarıda göstərilənlərin həyata keçirilməsi üçün ayrılan vəsaitlərin və ya Avropa İttifaqının "Şərq tərəfdaşlığı" proqramı çərçivəsində layihələrin tətbiqi üçün nəzərdə tutulan vəsaitlərinin alınacağı təqdirdə göstəriləcək.
Azərbaycan tərəfi Polşanın kənd təsərrüfatı sektoru müəssislələrinin ekspert dəstəyini qəbul etməyə və lahiyələrin mövzuları üzrə öz təkliflərini təqdim etməyə hazır olduğunu bildirib.
Komissiya tərəfindən iki layihə bəyənilib. "Azərbaycanın dağlıq rayonlarında coğrafi informasiya sistemlərindən istifadə etməklə (CİS) erupsiya təhlükəsinə məruz qalan kənd təsərrüfatı məkanının formalaşdırılması prinsipləri" adlı layihə Polşanın kömək proqramı çərçivəsində Vroslav Texnoloji-Təbiətşünaslıq İnstitutu yanında Nijnesilezsk təqdiqat mərkəzi tərəfindən həyata keçiriləcək.
Komissiya "Heyvanların identifikasiyası və təsərrüfatların qeydiyyata alınması üçün milli sistemin yaradılmasında milli veterinar xidmətlərə dəstək" twinning-layihəsinin tətbiqi məqsədi ilə İspaniya və Polşanın təkliflərini də seçib. Bu layihənin həyata keçirilməsi Azərbaycanda ərzaq təhlükəsizliyinin artmasına xidmət edəcək.