Azərbaycan, Bakı, 13 dekabr /Trend, müxbir Ü.İsmayılova/
Azərbaycanın sığorta şirkəti "Alfa Sığorta" 11 ay ərzində fəaliyyət yekununa əsasən, 2010-cu il üçün sığorta haqlarının toplanması üzrə planı yerinə yetirib. Bu barədə bazar ertəsi şirkətin Direktorlar Şurasının sədri Xəyal Məmmədxanlı deyib.
"Yanvar-noyabr aylarının yekunlarına əsasən, şirkətin yığımları 2,148 milyon manat təşkil edib və illik proqnozla iki milyon manata çatıb", - Məmmədxanlı bildirib.
Onun sözlərinə görə, ilin sonuna qədər 2,2 milyon manat toplamaq planlaşdırılır.
Məmmədxanlının sözlərinə görə, şirkətin planlarına portfeli üç milyon manata çatdırmaq daxildir və avtomobil sığortası, bədbəxt hadisələr, kənd təsərrüfatı, kreditlər, o cümlədən ipoteka kreditlərindən sığortalanma və digər növlər planlaşdırılır.
"Alfa Sığorta" şirkəti əsasən sabit artıma zəmanət verən sığorta xidmətlərinin pərakəndə növlərinə üstünlük verir", - Məmmədxanlı deyib.
"Alfa Sığorta" ASC-nin yeganə təsisçisi 2006-cı ilin dekabrında şirkətin səhmlərinin 100 faizini alan yerli "Texnikabank" ASC-dir. Şirkətin nizamnamə kapitalı 3,1 milyon manat təşkil edir. "Alfa Sığorta"nın 30 növ - altı icbari və 24 növ könüllü sığorta xidmətlərinin göstərilməsinə lisenziyası var.
Dekabrın 13-nə olan rəsmi məzənnə 0,7991 AZN/USD təşkil edir.
