Azərbaycan, Bakı, 17 dekabr /Trend, müxbir Ü.İsmayılova/
Yanvar-noyabrda Azərbaycanda tikinti işlərinin həcmi ötən ilin analoji dövrü ilə müqayisədə 30,3 faiz artıb. Bu barədə cümə axşamı Azərbaycan Dövlət Statistika Komitəsindən verilən məlumatda deyilir.
O cümlədən dövlət və özəl şirkətlər tərəfindən həyata keçirilən tikinti işlərinin həcmi ümumi işin müvafiq olaraq 26,8 və 74,2 faizini təşkil edib.
Tikinti işlərinin ümumi həcminin 74,5 faizi ilkin tikinti, 16,5 faizi əsaslı təmir, 4,8 faizi cari təmir, 4,2 faizi isə digər tikinti işlərinin payına düşür.
Yanvar-oktyabr aylarında Azərbaycanın tikinti sektoruna 63,9 min nəfər cəlb olunub, bu sahədə əmək haqqının nominal səviyyəsi 2009-cu ilin yanvar-oktyabr aylarındakı göstəricidən 12,3 faiz çox olmaqla 505,2 manat təşkil edib.
Böyük və orta tikinti şirkətlərində əməkhaqqının nominal səviyyəsi 528,8 manat təşkil edib. Bina tikintisi və xüsusi tikinti sahələrində əmək haqqının miqdarı bir ilə müvafiq olaraq 2,7 faiz, ixtisaslaşdırılmış tikinti işlərində 2,1 faiz olub.