Azərbaycan, Bakı, 24 dekabr /Trend, müxbirlər Ü.İsmayılova, E.İsmayılov/
Azərbaycanda icbari tibbi sığortanın 2011-ci ildə tətbiqi planlaşdırılır. Bu barədə Trend-ə Milli Məclisin Sosial siyasət komitəsinin sədri Hadı Rəcəbli deyib.
"Yeni sığorta xidməti növünün tətbiqinin yubanmasına səbəb mezanizmin olmamasıdır", - Rəcəbli bildirib.
Onun sözlərinə görə, Azərbaycanda "İcbari sığorta haqqında" qanun 1999-cu ildə qəbul edilib, lakin vergi ağırlığının sadələşdirilməsi məqsədilə onun tətbiqi beş il yubanıb, bundan sonra isə digər səbəblər meydana çıxıb.
Azərbaycanda tibbi xidmətlərin maliyyələşdirilməsinin iki növü mövcuddur - şəxsi və büdcə vəsaitləri hesabına. Maliyyələşdirmə mənbələrinin siyahıları icbari tibbi sığorta və xeyriyyə və dini qurumların vəsaitləri hesabına daha iki rəqəm genişlənir.
2009-cu ilin dekabrında Azərbaycan Nazirlər Kabineti yanında İcbari Tibbi Sığorta üzrə Dövlət Agentliyi yaradılıb. Tibbi sığorta sisteminin yaradılması səhiyyə sistemində islahatların aparılması, tibbi xidmətlərin keyfiyyətinin yaxşılaşdırılması çərçivəsində həyata keçirilir. Hər il dövlət büdcəsindən bu sistemin tətbiqi üçün vəsaitlər ayrılır. Sistemin sınağı pilot qismində seçilən Siyəzən rayonunda keçirilib.
Azərbaycanın Dövlət Sosial Müdafiə Fondu əvvəllər icbari sosial sığorta üzrə köçürmələrin yığımı ilə bağlı təcrübəsini nəzərə alaraq, tibbi sığorta vəsaitlərinin yığımında öz iştirakını təklif edib, lakin ölkə Prezidenti tərəfindən qəbul edilən qərardan sonra vəsaitlərin yığımı ilə yaradılan agentlik məşğul olacaq.
Əhalinin gəlirlərindən köçürmələrin dəqiq faizi hazırlıq işləri başa çatdıqdan sonra dəqiqləşdiriləcək. "Çox güman ki, bu köçürmələr icbari tibbi sığortanın tətbiq edildiyi ölkənin təcrübəsini nəzərə alaraq, Fondun əməkhaqqısının 2,5 - 3 faizinə yaxın olacaq", - Rəcəbli bildirib.