...

2011-ci ildə Azərbaycanın fond bazarı korporativ qiymətli kağızlar üzrə dövriyyənin artacağını gözləyir

Biznes və iqtisadiyyat xəbərləri Materials 20 Yanvar 2011 16:55 (UTC +04:00)

Azərbaycan, Bakı, 20 yanvar /Trend, müxbir İ.Xəlilova/

Ötən ilin yekunları üzrə Azərbaycanın maliyyə bazarında korporativ qiymətli kağızlar üzrə dövriyyə 65 faizdən çox artıb və 2011-ci ildə bu templərin saxlanacağı gözlənilir. Bu barədə cümə axşamı Qiymətli Kağızlar üzrə Dövlət Komitəsinin sədri Rüfət Aslanlı deyib.

"Bizim əsas məqsədimiz bazası əsasında adətən fond bazarının formalaşdığı korporativ qiymətli kağızların payının artırılmasıdır, - Aslanlı bildirib. - Bunun nəticəsində keçən ilin sonuna bazarda korporativ kağızların payı əvvəlki illərdəki 10 faizdən 25 faizə qədər artıb".

Komitə sədri ümumilikdə səhm, istiqraz vərəqələri, eləcə də borc alətləri ilə olan ticarətin artım dinamikasını qeyd edib. Korporativ qiymətli kağızlar və borc kağızları ilə əməliyyatlar həm ilkin, həm də təkrar bazarda 2-3 dəfə artıb.

"Səhmlər bazarında dinamika əsasən təkar bazarda əməliyyatlar hesabına təmin edilib", - Aslanlı vurğulayıb.

Onun sözlərinə görə, qiymətli kağızlar bazarında cari ildə yeni alətin yaranması gözlənilir, bununla əlaqədar olaraq hazırda emitent onun emissiya prospektləri üzərində işləyir və investorlarla danışıqlar aparır.

"Bu alət maliyyə bazarına yaxın aylar ərzində çıxacaq", - Dövlət Komitəsinin başçısı əlavə edib.

Bu alət investisiya qiymətli kağızları ilə repo-əməliyyatların aparılmasını təmin edəcək.

Bu günə qədər repo və əks-repo əməliyyatlar Azərbaycan Mərkəzi Bankının (AMB) notları ilə aparılıb. Lakin yeni qaydalara görə, qiymətli kağızlar bazarının iştirakçıları səhmlər və istiqraz vərəqələri üzrə öz aralarında repo-əməliyyatlar keçirə biləcəklər.

Alətin bu növü portfelli investorlar, əsasən qısamüddətli likvidliklə bağlı problemlərin həlli üçün banklar və başqa maliyyə institutları üçün nəzərdə tutulub. Hazırda Mərkəzi Bank repo-əməliyyatlardan dövriyyədə olan pul kütləsini operativ tənzimləmək məqsədi ilə istifadə edir, buna görə də AMB-nin qiymətli kağızlar bazarında notlarının dövriyyəsi yüksəkdir. Yeni alət dövriyyəyə buraxıldıqdan sonra digər şirkətlər də öz likvidliklərini operativ idarə etmək üçün repo-əməliyyatlar apara biləcəklər.

2010-cu ilin yanvar-dekabr ayları ərzində Bakı Fond Birjasında bütün alətlər üzrə birja əqdlərinin ümumi dövriyyəsi 2,23 milyard manat təşkil edərək inişil ilə müqayisədə 32,9 faiz azalıb.

Korporativ qiymətli kağızlar bazarı il ərzində iki dəfə artaraq 707,326 milyon manat təşkil edib. Bu, korporativ istiqraz vərəqələri ilə əməliyyatların həcminin 2,3 dəfə artması ilə izah edilir, əqdlərin sayı isə 1,7 dəfə artraq 214-ə çatıb.

Dövlət qiymətli kağızlar bazarı 1,95 dəfə azalaraq 1 522,98 milyon manat təşkil edib. Buna repo-əməliyyatların 2,33 dəfə azalması təsir edib, halbuki əqdlərin sayı cüzi azalıb (4,73 faiz).

Xəbər lenti

Xəbər lenti