Azərbaycanın sığorta şirkəti üç illik strateji inkişaf planı hazırlayacaq
Azərbaycan, Bakı, 27 yanvar /Trend, müxbir Ü.İsmayılova/
Azərbaycanın sığorta şirkəti "Qarant Sığorta" yanvarın sonunadək üç illik strateji inkişaf planı üzərində işləri başa çatdırmağı planlaşdırır. Bu barədə cümə axşamı şirkətin idarə heyətinin sədri Vaqif Həsənov bildirib.
"Strateji inkişaf planında, həmçinin şirkətin maliyyə göstəriciləri, sığorta biliklərinin səviyyəsinin artırılmasına dair tədbirlər, əhali arasında sığorta mədəniyyətinin formalaşdırılması haqqında məlumatlar öz əksini tapacaq", - Həsənov bildirib.
Onun sözlərinə görə, "Qarant Sığorta" şirkətinin başlıca məqsədi ölkənin sığorta bazarında yığım həcmi üzrə liderlik edən şirkətlər onluğunda öz mövqeyini qoruyub saxlamaqdır.
"Planda həmçinin, artıq 2011-ci ildə keçiriləcək şirkətlərin rebredinqi haqqında məlumat da öz əksini tapacaq", - Həsənov bildirib.
"Qarant Sığorta" şirkəti sığorta fəaliyyəti göstərmək üçün 2007-ci ilin noyabrında Maliyyə Nazirliyindən lisenziya alıb. "Qarant Sigorta" ZQAN Holding-in tərkibinə daxildir. 2010-cu ildə fəaliyyətinni yekunları üzrə şirkətin mükafatları yeddi milyon manatdan artıq, ödənişləri 2,4 milyon manat təşkil edib.
Yanvarın 27-nə rəsmi məzənnə 0,7974 AZN/USD təşkil edir.
