Azərbaycan, Bakı, 2 fevral /Trend, müxbir E.İsmayılov/
Azərbaycanın bütün ərazisi üzrə ümumi istifadəli telefon şəbəkələri cari ilin martınadək elektronlaşdırılacaq. Bu barədə çərşənbə günü rabitə və informasiya texnologiyaları nazirinin müavini İltimas Məmmədov deyib.
Onun sözlərinə görə, bütün lazımi avadanlıq artıq alınıb. İndiyədək 438, 494, 495 indeksli ATS-lər elektronlaşdırılmayıb, Məmmədov bildirib.
Elektronlaşdırma üzrə işlərin ən geci martın ortalarına başa çatdırılması planlaşdırılır.
Əvvəllər ümumi istifadəli telefon şəbəkələrinin elektronlaşdırılmasını 2010-cu ilin sonunadək başa çatdırmaq planlaşdırılmışdı.
Nazirliyin statistikasına görə, bu gün Azərbaycan ATS-lərinin xüsusi çəkisi 93 faizə çatır. Paytaxt üzrə bu göstərici 95 faiz, respublikanın digər regionları üzrə 90 faiz təşkil edir. Ümumilikdə respublika üzrə elektron ATS-lərin artımı ilin əvvəlindən 6 faizə yaxın olub.
