...

"Texnika Bank"ın aktivləri yanvar ayında 2 faiz artıb

Biznes və iqtisadiyyat xəbərləri Materials 10 Fevral 2011 16:12 (UTC +04:00)

Trend-i buradan izləyin

Azərbaycan, Bakı, 10 fevral /Trend, müxbir N.İsmayılova/

2010-cu il fevralın 1-nə olan məlumata əsasən, Azərbaycanın "Texnika Bank" bankının aktivləri yanvar ayı ərzində 1,8 faiz azalaraq 496,88 milyon manat təşkil edib. Bu barədə cümə axşamı bankdan məlumat verilib. Aktivlər üzrə gəlir 0,15 faiz, kapital üzrə 1,06 faiz təşkil edib.

Bankın nizamnamə kapitalı 53,69 milyon manat, ümumi kapitalı 64,54 milyon manat təşkil edib.

Fevralın 1-nə olan məlumata əsasən, bankın depozit portfeli yanvar ayında 3,4 faiz azalaraq 247,06 milyon manat olub. Fiziki şəxslərin əmanətləri 184,705 milyon manat təşkil edib. Bankın ümumi öhdəlikləri 412,57 milyon manat səviyyəsində olub.

Bankın kredit portfeli yanvar ayında 1,2 faiz artaraq 340,67 milyon manat təşkil edib və burada problemli kreditlərin payı ( ödəniş vaxtının 90 gündən çox keçməsi zamanı) 5,56 faizə çatır (18,95 milyon manat). Texnikabank 27,66 milyon manat həcmində istehlak kreditləri verib.

Hesabat dövründə bankın gəlirləri 4,26 milyon manat təşkil edib, o cümlədən faiz gəlirləri 4,01 milyon manat, faizsiz gəlirlər 0,25 milyon manat. Bankın xərcləri 3,51 milyon manat təşkil edib.

Fevralın 1-nə olan məlumat əsasən, bankın xalis gəliri 748,23 min manat təşkil edib.

Bankın fəal plastik kartlarının sayı yanvarın sonunda 47 975 ədəd təşkil edib. "Texnikabank" ölkə üzrə 61 bankomat, 101 POS-terminal quraşdırıb. Bankın 35 filialı və 5 şöbəsi var.

Texnikabank bank bazarında 1993-cü ildən fəaliyyət göstərir və 2007-ci ilədək 100 faiz Azərbaycan bankı olub. Bu gün bankın majoritar səhmdarı kimi "World Wines" şirkəti çıxış edir. Şirkət bankın səhmlərinin 75 faizinə sahibdir. Bankın Müşahidə Şurasının sədri Etibar Əliyev səhmlərin 15 faizinə, ABŞ-ın "Kazimir Investment Caspian Fund" holdinqi isə səhmlərin 10 faizinə nəzarət edir.

Fevralın 10-na olan rəsmi məzənnə 0,7956 AZN/USD təşkil edir.

Xəbər lenti

Xəbər lenti