Azərbaycan, Bakı, 16 fevral /Trend/
Azərbaycanın sabit və aparıcı banklarından biri olan "Parabank" müştərilərinin maraqlarını daim diqqət mərkəzində saxlayır.
Məhz öz müştərilərinin maraqlarını nəzərə alaraq "Parabank" 2011-ci ilin yanvarından "GoldenPay" İnternet-ödənişləri sisteminə qoşulub. Trend-in məlumatına görə, bu barədə çərşənbə günü bankdan bildirilib.
"GoldenPay" Azərbaycanda onlayn ödəniş xidmətlərinin ilk və yeganə provayderdir. Bu sistem Visa və MasterCard beynəlxalq ödəniş sistemləri ilə əməkdaşlıq sayəsində yerli şirkətlərə göstərilən xidmətlərə və ya məhsula görə ödənişləri dünyanın istənilən bankından plastik kartlar vasitəsilə əldə etməyə imkan verir. Yəni "GoldenPay" şirkətlərə və onların müştərilərinə İnternet vasitəsilə xidmətlərin satışına və ya əldə edilməsinə şərait yaradır.