Azərbaycan, Bakı, 16 fevral /Trend, müxbir İ.Xəlilova/
2011-ci ilin yanvarında əkinçilik və heyvandarlıq məhsullarının istehsal qiymətləri 2010-cu ilin analoji dövrünə nisbətən 12,4 faiz, ötən ilin dekabrına nisbətən 2,2 faiz artıb. Bu barədə çərşənbə günü Azərbaycan Dövlət Statistika Komitəsindən məlumat verilib.
Bir və ikiillik kənd təsərrüfatı məhsullarının qiymətləri il ərzində 12,3 faiz, yanvar ayı ərzində 0,4 faiz artıb. İl ərzində dənli-paxlalı bitkilər 14,6 faiz (yanvarda 0,4 faiz), o cümlədən, buğda 37 faiz (yanvarda 0,3 faiz ucuzlaşıb), qarğıdalı 30,4 faiz (artım 4,7 faiz), arpa 22,1 faiz (0,2 faiz), yaşıl paxlalı tərəvəzlər 16,5 faiz, kartof 11,5 faiz (1,7 faiz), xam pambıq 8,3 faiz, yem bitkiləri 22,6 faiz artıb.
İl ərzində qarpız və yemiş 1,9 faiz, bar verən tərəvəzlər 3,4 faiz (yanvarda 0,9 faiz) ucuzlaşıb.
Çoxillik bitkilər ötən ilin yanvarı ilə müqayisədə 14,9 faiz, ötən ilin dekabrına nisbətən 11,3 faiz bahalaşıb.
İl ərzində çoxillik bitkilər arasında sitrus meyvələri 6,6 faiz (yanvarda 0,4 faiz ucuzlaşıb), qoz 10,1 faiz (artım 3,9 faiz), tropik və subtropik meyvələr 1,2 faiz (4,8 faiz) bahalaşıb,giləmeyvələr 4,9 faiz, içki istehsalı üçün kənd təsərrüfatı bitkiləri 3,5 faiz ucuzlaşıb.
Ümumilikdə, yanvar ayında bahalaşan heyvandarlıq məhsulları arasında illik hesablamada 6,7 faiz, diri çəkidə dana ətinin qiymətində il ərzində 10,1 faiz (yanvarda 9 faiz), diri çəkidə qoyun əti 3,9 faiz, qoyun və keçi südü 3,9 faiz, donuz əti 56,2 faiz (yanvarda 25,5 faiz), diri ev quşları və yumurta 9,8 faiz (0,7 faiz), quş əti 4,1 faiz, təzə yumurta 38,4 faiz (1,4 faiz), təbii balda 5,9 faiz artım müşahidə olunub.
İl ərzində balıq və balıq məhsullarının istehsal qiymətləri 5,4 faiz (yanvarda 11,1 faiz), meşə təsərrüfatı malları 0,1 faiz ucuzlaşıb.