Azərbaycan, Bakı, 11 mart /Trend, müxbir E.İsmayılov/
2010-cu ildə Gəncə avtomobil zavodu 767 ədəddən çox "MAZ" markalı yük avtomobili yığıb. Bu barədə Azərbaycan hökumətinin 2010-cu ilin yekunları üzrə hesabatında deyilir. Ötən il bu markalı avtomobillər üçün 535 ədəd asma avadanlıq da yığılıb.
Hesabata əsasən, ötən il zavod 706 ədəd "Belarus" traktoru və bu texnika üçün 269 ədəd qoşqu yığılıb.
Bu yaxınlarda Gəncə avtomobil zavodunun mülkiyyət forması dəyişdirilib və o istehsalat birliyinə çevrilib. Mülkiyyət formasının dəyişdirilməsi və müəssisənin stukturunun yenidən qurulması zavodun işinin effektivliyini artırmağa imkan verərək, fəaliyyətin genişləndirilməsi və gələcək inkişafının daha sürətli templərlərlə inkişafı üçün böyük imkanlar açacaq.
Azərbaycanda Minsk avtomobil və traktor zavodlarının yük avtomobillərinin və traktorlarının bütün qammasının yığılmasına və satışına dair saziş 2006-cı ilin noyabrın sonunda Minskdə imzalanıb. Gəncə zavodu Azərbaycanda ildə 1000dək yük avtomobili və 2000-dək traktor yığmaq iqtidarındadır. İndi avtomobil zavodunda "Belarus" traktorları və "MAZ" avtomobilləri yığılır.
Müəssisədə Almaniyanın "Haller" şirkəti ilə saziş çərçivəsində kommunal texnika da yığılır.