Azərbaycan, Bakı, 18 mart /Trend, müxbir E.İsmayılov/
"Azərbaycan Hava Yolları" QSC bayram günlərində Bakı-Praqa-Bakı marşrutu üzrə əlavə birbaşa reys açır. Bu barədə cümə günü QSC-dən bildiriblər.
Məlumata görə, hazırda bu istiqamətdə reys yalnız cümə axşamları həyata keçirilir. Martın 20-də isə mayın 29-dək bazar günləri fəaliyyət göstərəcək ikinci reys açılacaq.
Təyyarə Bakıdan yerli vaxtla saat 08:15-də uçacaq.
"Əlavə reys mayın 29-dək fəaliyyət göstərəcək, iyundan isə bu marşrut üzrə uçuşlar yalnız cümə axşamları həyata keçiriləcək", - QSC-dən deyiblər.
Bir müddət əvvəl AZAL-ın mətbuat xidmətinin rəhbəri Məhərrəm Səfərli bildirmişdi ki, may ayından QSC Bakı-Karlovı Barı (Çexiya)-Bakı marşrutu üzrə birbaşa uçuşlara başlamağı planlaşdırır.