Azərbaycan, Bakı, 5 aprel /Trend, müxbir A.Axundov/
"Sığortanın icbari növləri haqqında" yeni qanunun həyata keçirilməsi hazırda Azərbaycanın sığorta bazarında yaranan vəziyyətə müsbət təsir göstərəcək. Bu barədə Trend-ə çərşənbə axşamı Azərbaycan Sığortaçılar Assosiasiyasının (ASA) Müşahidə Şurasının sədri Azər Əliyev deyib.
Onun sözlərinə görə, əvvəlcə vətəndaşların sosial təhlükəsizlik səviyyəsi artacaq.
"Vətəndaşların bədbəxt hadisələr və təbii kataklizmlər nəticəsində yaranan əmlak və məsuliyyəti üzrə maliyyə xərclərinin ödənilməsi ilə bağlı dəqiq mexanizm yaradılır", - Əliyev bildirib.
Onun sözlərinə görə, ikincisi, bu qanun sayəsində sığortanın coğrafiyası, eləcə də sığorta polislərinə malik olacaq şəxslərin əhatə dairəsi genişlənəcək.
"Üçüncüsu, qanun sığorta bazarının artımına təsir edəcək. Bu isə ölkə iqtisadiyyatının inkişafına müsbət təsir göstərəcək", - Əliyev qeyd edib.
Bir milyard manatlıq potensialla 2010-cu ilin yekunları üzrə sığorta yığımlarının həcmi 155,59 milyon manat (il ərzində 4,73 faizlik azalma) təşkil edib, 53,83 milyon manat məbləğində isə (1,43 faizlik artım) ödənişlər edilib. Halbuki 2008-ci ildə sığorta bazarının artım templəri 22 faiz təşkil edib. Bu göstərici 2007-ci ildə 60 faizdən çox olub.
Çərşənbə axşamı Milli Məclisin plenar iclasında "Sığortanın icbari növləri haqqında" qanunun ikinci oxunuşda müzakirə ediləcəyi gözlənilir.
ASA Müşahidə Şurası sədrinin sözlərinə görə, bu qanun layihəsi ilə bağlı ciddi prinsipial fikir ayrılığı yoxdur.
"Dəyişiklik və əlavələr sözsüz ki lazımdır, lakin onlar əsasən texniki xarakter daşıyacaq. İş prosesi hələ ki başa açtmayıb. Lakin məni qanunvericilərimizin bu qanuna yüksək fəalllığı və böyük marağı sevindirir", - Əliyev vurğulayıb.
Bu qanun layihəsi icbari sığortanın dörd növünü - daşınmaz əmlakı, avtonəqliyyat vasitələri sahiblərinin məsuliyyətini, sərnişinlərin sığortalanmasını və daşınmaz əmlakın istismarı zamanı vətəndaş məsuliyyətinin sığortalanmasını tənzimləyir.
Qanun layihəsinə əsasən, daşınmaz əmlakın icbari sığortası fiziki şəxslərə məxsus bütün növ tikililərə, yaşayış evlərinə, hüquqi şəxslərin ofislərinə və dövlət əmlakına aid olacaq. Bununla yanaşı, yanğın, partlayış, tufan, elektrik şəbəkəsində qısa qapanma, kanalizasiya və ya su kəməri sistemində qəzalar, təbii kataklizmlər və s. nəticəsində əmlaka dəyən ziyanlar hesab ediləcək.
Daşınmaz əmlakın istismarı ilə bağlı vətəndaş məsuliyyətinin icbari sığortası üçüncü şəxslərin bu əmlakdan istifadə zamanı dəyən ziyandan sığorta müdafiəsini nəzərdə tutur. Sığortanın bu növü sahibkarlıq fəaliyyəti ilə məşğul olan hüquqi və fiziki şəxslərə aid olacaq. Sığortanın bu növü üzrə sağlamlığa dəyən ziyan zamanı ödənişin məbləği 50 min manat (bir nəfər üçün 5 min manat), əmlak üçün 50 min manat təşkil edəcək.
Sərnişinlərin icbari sığortası növündən asılı olmayaraq nəqliyyatdan istifadə edən şəxslərə şamil ediləcək. Bu halda sığorta ödənişinin məbləği bir nəfər üçün 5 min manat təşkil edəcək. İndiyədək sığortanın bu növü 2003-cü ildə qəbul edilən qanunla tənzimlənib. Lakin hazırda onun forması qəbuledilməzdir və təzminat alarkən problemlər yaradır.
Qanun layihəsi avtonəqliyyat vasitəsindən asılı olaraq sığorta tarifinin müəyyənləşdirilməsi zamanı şaxələndirilmiş yanaşmanı nəzərdə tutur. Əmlak üzrə avtonəqliyyat vasitələri sahiblərinin məsuliyyətinin ödəniş məbləği 5 min manat (hazırda 1 min manat), sağlamlıq üzrə 50 min manat (hazırda 5 min manat) təşkil edəcək. Fəaliyyətin bu növü 1996-cı ildə qəbul edilimiş qanunla tənzimlənir.
Aprelin 5-nə olan rəsmi məzənnə 0,7926 AZN/USD təşkil edir.