Azərbaycan, Bakı, 27 aprel /Trend, müxbir N.İsmayılova/
Fevral-apreldə AVİS sistemindən kənar (avtomatlaşdırılmış vergi məlumat sistemi) aparılan kameral yoxlamalar nəticəsində 18 milyon manat məbləğdə vergi köçürülüb. Bu, kameral yoxlamaların ümumi həcminin 45 faizini təşkil edir. Trend-in məlumatına görə, bu barədə Bakı şəhər Vergilər Departamentinin Vergi bəyannamələrinin qəbulu və emalı üzrə idarəsinin rəhbəri Natiq Şirinov çərşənbə günü Vergilər Nazirliyinin "Vergilər" qəzetində dərc edilən müsahibədə deyib.
"Fevral-apreldə kameral vergi yoxlamalarından dövlət büdcəsinə 4,03 milyon manat daxil olub. Bunun 859 min manatı AVİS sistemi, 3,171 milyon manatı isə bu sistemdən kənar aparılan kameral yoxlamalrın payına düşür", - Şirinov bildirib.
"Kameral vergi yoxlamalarının keyfiyyətinin yüksəldilməsi məqsədilə Vergi Məcəlləsinə əlavə də dəyişikliklər hazırlanıb və onlar Vergilər Nazirliyinin aidiyyəti qurumlarına baxılmaq üçün təqdim edilib", - o vurğulayıb.
