Azərbaycan, Bakı, 23 may /Trend, müxbir N.İsmayılova/
Ötən illərdən həyata keçirilən investisiya layihələrinin, eləcə də davam etməkdə olan tikinti işlərinin başa çatması Azərbayacn hökuməti üçün ən böyük prioritetdir. Trend-in məlumatına görə, bu barədə bazar ertəsi Hesablama Palatasının sədri Heydər Əsədov parlamentin İqtisadi siyasət və Sosial siyasət komitələrinin iclasında "Azərbaycan Respublikasının 2011-ci il dövlət büdcəsi haqqında" qanunda dəyişikliklər edilməsi barədə" qanun layihəsinin müzakirəsi zamanı deyib.
"Təcrübə göstərir ki, onlar başa çatdıqdan sonra yeni layihələrin həyata keçirilməsinə başlamaq lazımdır", - Əsədov bildirib.
Onun sözlərinə görə, ötən il 179 yeni layihənin həyata keçirilməsinə başlanılıb və onların hamısı plana uyğun olaraq uğurla həyata keçirilib. Lakin 519 layihə keçid layihəsidr və onların həyata keçirilməsi davam etdirilir.
2011-ci il Azərbaycanın dövlət büdcəsi haqqında qanunda dəyişikliklərin edilməsi layihəsində nəzərdə tutulan sənaye və tikintiyə kapital qoyuluşlarının xərcləri əlavə xərclərin 77,8 faizini və ya 2484,1 milyon manatını təşkil edir. Bu, əvvəllər bu göstərici üzrə təsdiq edilənləri 73,5 faiz və 2010-cu ildə yerinə yetirilən faktiki xərcləri 41,9 faiz və ya 1731,7 milyon manat üstələyir. Ümumilikdə kapital xərcləri üzrə nəzərdə tutulan 99,6 faiz artım kapital qoyuluşları üzrə xərclərə yönəldiləcək.
Mayın 23-nə olan rəsmi məzənnə 0,79 AZN/USD təşkil edir.