...

May ayında Azərbaycanda kənd təsərrüfatı məhsulları cüzi ucuzlaşıb

Biznes və iqtisadiyyat xəbərləri Materials 14 İyun 2011 20:08 (UTC +04:00)

Azərbaycan, Bakı, 14 iyun /Trend, müxbir A.Axundov/

May ayında Azərbaycanda kənd təsərrüfatı məhsullarının istehsal qiyməti aprellə müqayisədə azalıb, yanvar-may ərzində ötən ilin anoloji dövrü ilə müqayisədə isə 13,3 faiz artıb. Bu barədə Trend-ə Azərbaycan Dövlət Statistika Komitəsindən məlumat verilib.

Mayda heyvandarlıq məhsullarının qiyməti ümumilikdə ötən ayla müqayisədə 1,3 faiz azalıb, ötən ilin analoji dövrü ilə müqayisədə isə ilk beş ay ərzində 11,5 faiz artıb. İribuynuzlu mal-qara, qoyun və keçilər diri çəkidə 0,2 faiz azalıb, onların südü (emal edilməmiş) və yununun qiymətləri 5,5 faiz ucuzlaşıb.

Kənd təsərrüfatı məhsullarının taxıl və paxla bitkilərinin istehsal qiymətləri ay ərzində 0,6 faiz, il ərzində 28,1 faiz artıb, tərəvəz və bostan məhsullarının qiyməti isə 0,9 faiz (il ərzində 4,4 faiz artım) azalıb, çoxillik bitkilər 1,7 (il ərzində 21 faiz) artıb.

Mayda meşə təsərrüfatı mallarının qiymətləri ay ərzində 0,1 faiz, il ərzində 2,2 faiz azalıb, balıq və balıq məhsullarının qiyməti 8,9 faiz artıb, il ərzində isə 7,6 faiz azalıb.

2011-ci ilin yanvar-mayında Azərbaycanda kənd təsərrüfatı məhsullarının istehsalı ötən ilin analoji dövrü ilə müqayisədə 5,3 faiz, o cümlədən bitkiçilik məhsulları 5,7 faiz, heyvandarlıq məhsulları 5,3 faiz artıb.

Yanvar-mayda faktiki qiymətlər üzrə kənd təsərrüfatı məhsullarının ümumi dəyəri 940,9 milyon manat təşkil edib.

Beş ay ərzində ölkənin meşə təsərrüfatlarında istehsal edilən məhsul və xidmətlərin faktiki qiymətlər üzrə ümumi dəyəri 399,5 min manat təşkil edib, eləcə də 59,1 min manatlıq balıq tutulub.

İyunun 14-nə olan rəsmi məzənnə 0,7882 AZN/USD təşkil edir.

Xəbər lenti

Xəbər lenti