Azərbaycan, Bakı, 25 iyun /Trend, müxbir A.Axundov/
Bakıda kommersiya obyektləri ucuzlaşmaqda davam edir və ilin sonuna qiymət azalması 10 daiz çərçivəsində olacaq. Bu barədə Trend-ə "MBA Group" Konsaltinq şirkətinin baş direktoru Nüsrət İbrahimov bildirib.
"İlin əvvəlindən kommersiya obyektlərinin qiymətləri 5,7 faiz azalıb, altı ayın yekunları üzrə 6-6,2 faiz azalma gbözlənilir, ilin sonunadək 10 daiz çərçivəsində olacaq", - İbrahimov deyib.
Onun sözlərinə görə, bu, ilk növbədə bu obyektlərin gəlirliliyinin azalması ilə əlaqədardır.
"Bazarda kommersiya obyektlərinin, xüsusilə də ticarət obyektlərinin sayı artır ki, bu da gəlirliliyinin azalmasının səbəblərindən biridir. Təbii ki, satış qiymətləri bu obyektlərin gəlirliliyi ilə birbaşa bağlıdır. Ona görə də indi qiymətlərdə azalma müşahidə olunur", -İbrahimov bildirib.
Onun sözlərinə görə, Ticarət obyektlərinin tikintisinə çəkilən xərclər mənzillərin tikintisinə çəkilən xərclərlə demək olar eynidir, onda bu obyektlərin orta satış qiymətləri mənzillərin satış qiymətlərinin 2,7-2,8 dəfə üstələyir.
"Bu, kommersiya obyektlərinin daha gəlirli olması ilə bağlıdır, ona görə də onlar bahalaşırlar. Kommersiya obyektlərinin gəlirliliyi mənzillərin gəlirliliyinə yaxınlaşarsa, onların qiymətlərində ucuzlaşma gedəcək. Bundan əlavə, gəlirliyinin azalacağı halda obyektlərin idarə olunması və istismarına çəkilən xərclər gündən-günə artacaq. Belə şəraitdə qiymətlərin azalması qaçılmazdır", -İbrahimov deyib.
"MBA Group"-un məlumatına görə, aprel ayında bazarda kommersiya obyektlərinin qiymətləri bir kvardat metr üçün 3203 dollar təşkil edib.
