Azərbaycan, Bakı, 27 iyul /Trend, müxbir A.Axundov/
Azərbaycan Sahibkarlar (İşəgötürənlər) Təşkilatları Milli Konfederasiyası (ASK) bir sıra ölkələrin sahibkarları ilə əməkdaşlıq üzrə şuraların yaradılması ilə bağlı iş aparır. Bu barədə çərşənbə günü Trend-ə Konfederasiyanın prezidenti Məmməd Musayev deyib.
"Biz Gürcüstan, Ukrayna, Rusiya və Türkiyənin sahibkarları ilə əməkdaşlıq üzrə şuraların yaradılması ilə bağlı iş aparırıq", - Musayev bildirib.
Onun sözlərinə görə, belə şuralar artıq Azərbaycan və bəzi ölkələr, məsələn, Latviya arasında fəaliyyət göstərir.
"Latviya ilə iş təcrübəsi belə şuraların səmərəliliyini və faydalı olduğunu göstərdi", - Musayev vurğulayıb.
Çərşənbə günü Bakıda keçirilən "Hindistanda investisiya qoyuluşları və biznesin aparılması" mövzusunda Azərbaycan-Hindistan biznes forumu zamanı ASK Hindistana iki ölkənin sahibkarları arasında əməkdaşlıq üzrə şura yaratmağı təklif edib.
Bu işlər çərçivəsində Musayev Azərbaycan ilə işləmək istəyən Hindistan sahibkarlarının və Hindistanla işləmək istəyən Azərbaycan sahibkarlarının kataloqunu tərtib etməyi təklif edib.
