Azərbaycan, Bakı, 1 avqust /Trend, müxbir İ.Xəlilova/
İyun ərzində Bakının təkrar mənzil bazarında orta qiymətlər 1,1 faiz ucuzlaşaraq bir kvadratmetr maydakı 1000 dollara nisbətdə 989 dollara düşüb. Trend-in məlumatına görə, bu barədə "Əmlak Bazarı İştirakçıları" İctimai Birliyinin araşdırmalarında qeyd olunur.
"Bazarda baş verən proseslər mənzil tikintisi templərinə mənfi təsir göstərib ki, bu da yeni tikililərin reabilitasiyası və onların dövriyyəyə verilməsi üçün imkanların məhdudlaşmasına gətirib çıxarıb", - təşkilatın ekspertləri hesab edirlər.
İyunda təkrar mənzil bazarında təklif may ayı ilə müqayisədə 0,8 faiz artıb. Bazara təklif olunan mənzillərin sayı 6955-i ötüb.
Mayda Bakının heç bir rayonunda qiymət artımı müşahidə edilməyib, ən əhəmiyyətli azalma Sabunçu rayonunda olub. Lakin qiymətlərin bir qədər azalması Sabunçu və Suraxanı rayonlarında - müvafiq olaraq 0,9 faiz və 0,5 faiz qeyd edilib.
Bazarda orta qiymətdən aşağı təklif olunan təkrar mənzilin payı 56,2 faiz təşkil edib. İyunda təkrar mənzil bazarında təklif olunan orta mənzil göstəricisi 2,74, hər mənzilin orta qiyməti 43 634 dollar, mənzillər isə 110 879 dollar təşkil edib.
Təkrar bazarda qiymətlərin indeksi 2,2 bənd azalaraq 181,4 bənd təşkil edib.
Təkrar mənzil bazarında alqı-satqı üzrə sövdələşmələrin bağlanması dinamikasında 1,8 faizlik azalma müşahidə olunub. Bunun əsas səbəbi yay mövsümü ilə əlaqədar bazardakı passivlikdir.
"Bakının təkrar mənzil bazarında aktivlik əmsalına görə ən cəlbedici rayonlar Xətai və Yasamal rayonları olub. Ümumilkdə bu iki rayonun payına ipoteka prosesində əməliyyatların əsas hissəsi düşür. Belə ki, bu rayonlardakı qiymətlər ipotekanın normativ tələblərinə uyğundur. Qiymətlərin azalması ilə bu rayonlara maraq daha da artacaq", - araşdırmanın nəticələri göstərir.
Yasamal, Nəsimi, Nərimanov və Xətai rayonlarının bazarda təkliflər portfelində payı 79,6 faiz təşkil edib. Bu rayonların hesabına uzun müddət ərzində portfelin formalaşdırılması bazara bu rayonlarda yeni tikililərin istifadəyə verilməsi ilə əlaqədardır.
