...

Risklərin azalması və gəlirin artması Bakının qeyri-yaşayış sahələrində təklifin çoxalmasına səbəb olub

Biznes və iqtisadiyyat xəbərləri Materials 1 Avqust 2011 15:24 (UTC +04:00)

Azərbaycan, Bakı, 1 avqust /Trend, müxbir İ.Xəlilova/

İyunda Bakının qeyri-yaşayış obyektləri bazarında orta qiymət və kommersiya məqsədləri üçün istifadə olunan mənzillərin icarə haqqı ay ərzində müvafiq olaraq 0,4 faiz və 0,2 faiz azalıb. Trend-in məlumatına görə, bu barədə "Əmlak Bazarı İştirakçıları" İctimai Birliyinin araşdırmalarında qeyd olunur.

İyunda qeyri-yaşayış sahələri bazarında alqı-satqı sövdələşmələrinin sayı 2,3 faiz artıb.

"Təklifin artmasının əsas səbəbi bu seqment üzrə gəlir əmsalının artması və risklərin azalmasıdır. Bu isə bazara tədricən yeni qeyri-yaşayış obyektlərinin daxil olmasına gətirib çıxarır", - təşkilatın ekspertləri hesab edirlər.

Bakının qeyri-yaşayış sahələrinin orta qiymətləri iyunda 2884 dollar təşkil edib. Bu göstərici bir ay əvvəl 2896 dollar olub. Aparılan araşdırmalara görə, 2010-cu ilin analoji dövrünə nisbətən qiymətlər 2,2 faiz azalıb, bundan əvvəlki rüblə müqayisədə isə 1,2 faiz artıb.

Bazara orta qiymətdən aşağı (bir kvadratmetri 2884 dollar) təklif olunan qeyri-yaşayış obyektlərinin payı bazarın ümumi portfelinin 52,1 faizini təşkil edib.

İyunda qeyri-yaşayış obyektlərinin qiymətlərində artım Bakının heç bir rayonunda müşahidə olunmayıb, 0,3 faizlik əhəmiyyətli azalma isə Sabunçu və Suraxanı rayonlarında baş verib.

2011-ci ilin iyununda qeyri-yaşayış obyektləri əsasən fərdi tikililərdən və yeni tikililərin birinci və ikinci mərtəbələrindəki mənzillərdən, eləcə də təkrar mənzillərin birinci mərtəbəsindəki mənzillərdən ibarət olub. Bu seqment üzrə bağlanılan sövdələşmələrin dinamikası mayla müqayisədə 3,4 faiz artıb.

Bazara təklif olunan qeyri-yaşayış sahələrinin sayı 1,7 faiz artıb.

"Bazarda qiymətlərin azalması və bu qeqment üzrə dinamikanın nisbətən zəifləməsi, aşağı təklif həcmi ekspoziya müddətinin 0,8 faiz artmasına səbəb olub", - təşkilatın ekspertləri hesab edirlər.

İyunda Bakı üzrə indeks ötən ilin müvafiq dövrü ilə müqayisədə 2,2 faiz və ötən rüblə müqayisədə 0,3 faiz azalıb. May ayına kommersiya obyektlərinin qiymətləri 0,4 faiz və ya 0,6 bəndddən 284,7 bəndədək azalıb.

Xəbər lenti

Xəbər lenti