Azərbaycan, Bakı, 8 oktyabr /Trend, müxbir N.İsmayılova/
Azərbaycan höküməti ölkədə daxili istehsalın artırılmasını inkişaf etdirmək üçün bütün lazımi dəstək göstərir. Trend-in məlumatına görə şənbə günü Sumqayıt texnoparkında baş tutan rəqabətə davamlı sənaye məhsulları istehsalçıları və alıcıları ilə görüşdə ölkənin iqtisadi inkişaf naziri Şahin Mustafayev deyib.
"Hazırda Sumqayıt texnoloji parkında istehsal olunan məhsul ən qabaqcıl keyfiyyət standartlarına cavab verir və yüksək rəqabətə davamlılığa malikdir. Bizim əsas məqsədimiz bütün yerli istehsalçıların məhsullarının belə yüksək standarta cavab vermələridir", - Mustafayev deyib.
Hazırda texnoparkda 10 müəssisə fəaliyyət göstərir, 2012-ci ilin ilin sonuna kimi onların sayını 14-ə çatdırmaq planlaşdırılır.
Nazirin sözlərinə görə, ölkədə əsasən neft-kimya sənayesi məhsullarının emalı ilə məşğul olacaq başqa sənaye parklarının yaradılması planlaşdırılır. Bundan əlavə biznes-inkubatorlar və treninq mərkəzləri açılacaq.
Sumqayıt Texnoloji Parkı (STP) Azərbaycanın elektroenerji sahəsində yeni infrasturktur layihələri həyata keçirən iri müəssisədir. STP-də müasir texnologiyalar əsasında, eksport potensialına malik olan, elektroenergetika və maşınqayırma sənayesinin məhsullarının istehsalı nəzərdə tutulub. 18 zavoddan ibarət texnoparkda müxtəlif tipli çoxfunksiyalı məhsullar istehsal ediləcək. Bunlara müxtəlif tipli kabelləri, transformatorları, yüksək gərginlikli avadanlıqları, hidro turbinləri, su nasoslarını, elektrik mühərrikləri, boruları, texniki qazları misal göstərmək olar.
...
