...

Azərbaycan iqtisadiyyatında xarici investisiyanın həcmi 1/4 dəfə artıb

Biznes və iqtisadiyyat xəbərləri Materials 20 Oktyabr 2011 18:24

Trend-i buradan izləyin

Azərbaycan, Bakı, 20 oktyabr /Trend, müxbir N.İsmayılova/

2011-ci ilin yanvar-sentyabrında Azərbaycan iqtisadiyyatına qoyulmuş xarici sərmayənin ümumi həcmi 1775,5 milyon manat təşkil edib. Bu isə ötən ilin analoji dövrü ilə müqayisədə 25,6 faiz çoxdur. Bu barədə Trend-ə cümə axşamı Dövlət Statistika Komitəsindən məlumat verilib.

Yanvar-sentyabrda xarici ölkələr və beynəlxalq təşkilatlar tərəfindən Azərbaycan iqtisadiyyatına qoyulan sərmayənin 89,8 faizi (1594,8 milyon manat) Böyük Britaniya, ABŞ, Yaponiya, Norveç, Türkiyə, Fransa, Çexiya və Koreya səhmdarlarının payına düşür.

Əvvəllər olduğu kimi, Böyük Britaniya bu göstəricidə lider mövqeyini qoruyur. Onun xarici sərmayənin ümumi həcmindəki xüsusi çəkisi 51,3 faiz təşkil edib, sərmayələrin özü isə 910,2 milyon manat olub.

ABŞ-ın sərmayələri 256,8 milyon manat (xüsusi çəkisi 14,5 faiz), Yaponiya - 160,6 milyon manat (9 faiz), Fransa - 32,95 milyon manat (1,9 faiz), Norveç - 89,7 milyon manat (5 faiz), Çexiya - 54,02 milyon manat (3 faiz), Türkiyə - 73,8 milyon manat (4,2 faiz), Koreya - 16,78 milyon manat (0,9 faiz), İsveçrə - 6,8 milyon manat (0,4 faiz), Səudiyyə Ərəbistanı - 2,7 milyon manat (0,2 faiz), İtaliya - 473,9 min manat, Lüksemburq - 60,3 min manat təşkil edib.

Beynəlxal maliyyə institutlarından ən çox sərmayəni 136,5 milyon manat olmaqla Dünya Bankı qoyub. Onun xüsusu çəkisi 7,7 faiz olub. Asiya İnkişaf Bankı Azərbaycanda layihələrin həyata keçirilməsinə 31,27 milyon manat (1,8 faiz), İslam İnkişaf Bankı 2,01 milyon manat (0,1 faiz), Küveyt İqtisadi İnkişaf Fondu isə 799,1 min manat ayırıb.

Oktyabrın 20-nə olan rəsmi məzənnə 0,797 AZN/USD təşkil edir.

Xəbər lenti

Xəbər lenti