...

"Eurovision-2012" Azərbaycanın sığorta bazarına müsbət təsir edəcək

Biznes və iqtisadiyyat xəbərləri Materials 24 Dekabr 2011 15:50 (UTC +04:00)

Azərbaycan, Bakı, 24 dekabr /Trend müxbir A.Axundov /

2012-ci ilin mayında Bakıda "Eurovision-2012" mahnı müsabiqəsinin keçirilməsi Azərbaycanın sığorta bazarına müsbət təsir edəcək. Bu barədə şənbə günü Trend-ə "Azərbaycan Sənaye Sığorta" sığorta şirkətinin idarə heyəti sədrinin müavini İntiqam Seyfulla bildirib.

"Bununla əlaqədar bir sıra tikinti layihələrinə artıq başlanıb və bəzilərinə də başlanacaq.Tikinti işlərinin, əmlakın, personalın tibbi sığortası, istehsalatda bədbəxt hadisələr və peşə xəstəliklərindən icbari sığorta sığorta sahəsinə öz töhfəsini verəcək", - Seyfulla deyib.

Onun sözləırinə görə, Azərbaycanda turizm sektorunun inkişafı, ölkəyə investisiya axınının artması sığorta sektoruna da təsir edəcək.

"Azərbaycanın müstəqilliyinin 20 illik dövrünə baxmayaraq, onu dünyada məhz bu müsabiqədən sonra daha yaxşı tanıyacaqlar. Bu, ölkə üçün yaxşı reklamdır və ölkə iqtisadiyyatına, o cümlədən sığorta sektoruna müsbət təsir edəcək", - Seyfulal deyib.

Azərbaycan Sığortaçılar Assosiasiyasının icraçı direktoru Azər Əliyevin Trend-ə bildiridiyinə görə, "Eurovision-2012"yə kimi təhvil verilməsi planlaşdıırlan obyektlərin əksəriyyətinin tikintisinə artıq başlanılıb.

"Daha doğrusu, tikinti dövründə tikinti-quraşdırma riskləri artıq sığortalanıb və onlar üzrə yığım bu ilin hesabatına düşəcək. Gələcəkdə onlar qalacaq və işləyəcəklər, yəni əmlak sığortası və digər sığorta növləri üzrə sığortalanacaqlar. Çoxlu sayda turistlər gələcək və onların hamısı xaricə gedən şəxslərin sığortası üzrə sığortalanacaqlar, lakin onlar öz şirkətlərində sığortalanacaqlar", - Əliyev deyib.

Xəbər lenti

Xəbər lenti