Azərbaycan, Bakı, 11 fevral /Trend, müxbir N.İsmayılova/
2011-ci ildə Azərbaycanda depozitlər üzrə orta faiz dərəcəsi 11 faiz, kreditlər üzrə 16-17 faiz təşkil edib. Trend-in məlumatına görə, bu barədə şənbə günü Azərbaycan Mərkəzi Bankının (AMB) statistik hesabatında deyilir.
2012-ci il yanvarın 1-nə milli valyuta - manatda kreditlər üzrə orta faiz dərəcəsi 16,27 faiz təşkil edib. Bu göstərici dekabrın 1-nə 16,24 faiz, 2011-ci il yanvarın 1-nə isə 16,37 faiz olub.
AMB-nin məlumatına görə, xarici valyutada kreditlər üzrə orta bank dərəcəsi 16,79 faiz təşkil edib. Bu göstərici 2011-ci ilin dekabrın 1-nə 16,34 faiz, 2011-ci il yanvarın 1-nə isə 17,31 faiz olub.
Hesabat dövründə hüquqi şəxslərin manatda kreditləri üzrə orta faiz dərəcəsi 14,53 faiz təşkil edib. Bu rəqəm dekabrın 1-nə 14,48 faiz, 2011-ci il yanvarın 1-nə 14,4 faiz, xarici valyutada isə, müvafiq olaraq, 14,3 faiz, 13,72 faiz və 14,2 faiz olub.
Öz növbəsində, fiziki şəxslərin manatda kreditləri üzrə orta dərəcəsi 2012-ci il yanvarın 1-nə 19,06 faiz təşkil edib. Bir ay əvvəl bu göstərici 19,09 faiz, 2011-ci il yanvarın 1-nə isə 19,84 faiz olub.
Fiziki şəxslərin SDV-də kreditləri üzrə dərəcələr belə bölüşüb: müvafiq olaraq, 22,9 faiz, 22,98 faiz və 23,73.
Manatda depozitlər üzrə orta dərəcə 2012-ci il yanvarın 1-nə 10,62 faiz təşkil edib. Bu rəqəm 2011-ci il dekabrın 1-nə 10,65 faiz, 2011-ci ilin yanvar birinə isə 11,11 faiz olub.
Xarici valyutada depozitlər üzrə orta dərəcə 11,11 faiz təşkil edib. Bu rəqəm 2011-ci il dekabrın 1-nə 11,27 faiz, 2011-ci ilin yanvarın 1-nə isə 11,64 faiz olub.
2012-ci il yanvarın 1-nə fiziki şəxslərin manatda depozitlər üzrə orta dərəcəsi 11,76 faiz təşkil edib. Bu göstərici 2011-ci il dekabrın əvvəlinə 11,1 faiz, 2011-ci ilin əvvəlinə isə 11,79 faiz olub. Fərdi müştərilərin xarici valyutada depozitləri üzrə orta dərəcə, müvafiq olaraq, 11,27 faiz, 11,39 faiz və 12,27 faizə bərabər olub.
2012-ci il yanvarın əvvəlinə hüquqi şəxslərin manatda depozitləri üzrə orta dərəcə 5,6 faiz təşkil edib. Bu rəqəm 2011-ci il dekabrın 1-nə 6,15 faiz, 2011-ci il yanvarın 1-nə isə 6,19 faiz olub. Korporativ müştərilərin xarici valyutada depozitləri üzrə orta dərəcə 7,02 faizə bərabər olub. Bu rəqəm 2011-ci il dekabrın 1-nə 8,02 faiz, 2011-ci il yanvarın 1-nə isə 6,27 faiz təşkil edib.
