Azərbaycan, Bakı, 15 mart /Trend, müxbir V.Javoronkova/
Dünya Bankı (DB) "Azərbaycanın kənd investisiyaları" (AzRIP) birinci layihəsini yüksək qiymətləndirir. Bu barədə cümə axşamı Trend-ə DB-nin layihənin reallaşdırılması üzrə işçi qrupunun rəhbəri, Avropa və Mərkəzi Asiyanın davamlı inkişafı departamentinin baş mütəxəssisi Daniel Ouen bildirib.
"Bizim bu layihənin əhəmiyyətli təsirinin olması ilə bağlı çoxlu sayda sübutlarımız var və mənim birinci layihə üzrə başa çatan hesabatdan qabaq qiymətləndirməm onunla əlaqədardır ki, biz çox uğurlu proqramla işləyirik. Bu, Azərbaycan hökuməti və DB-nin böyük ölçüdə bu layihənin genişləndirilməsində maraqlı olmasında əksini tapıb", - o qeyd edib.
Ouen hesab edir ki, tərəflər ilin sonunadək AzRIP-in ikinci layihəsini hazırlamağı planlaşdırır.
Onun sözlərinə görə, AzRIP-in ikinci layihəsinin hazırlanması yüksək səviyyədədir və gözlənilir ki, layihə iyulda DB-nin Direktorlar Şurasına təqdim ediləcək və Bakıda onunla bağlı sazişin imzalanmasından dərhal sonra qüvvəyə minəcək.
Ouen deyib ki, DB tərəfindən ikinci layihənin maliyyələşdirilməsi 30 milyon dollar təşkil edəcək, hərçənd layihənin ümumi büdcəsinin 50-55 milyon dollar olması planlaşdırılır. Bura hökumətin əmanəti və ictimai əmanətlər daxil ediləcək.
DB-nin birinci layihəsinin maliyyələşdirilməsi 15 milyon dollar təşkil ediridi, daha 15 milyon dollar isə əlavə maliyyələşdirmə olub.
Onun sözlərinə görə, ikinci layihə birincinin həcminin genişləndirilməsini, yəni onunla əhatə olunan rayonların sayının artırılmasını nəzərdə tutur.
"Layihə dövlət prosesi və funksional infrastrukturun səfərbər edilməsinin yaxşı nümunəsi olacaq", - Ouen qeyd edib.
O bildirib ki, layihənin mövcud olduğu yeddi il ərzində dəfələrlə qiymətləndirilib, məsələn, iki il əvvəl o, Avropa və Mərkəzi Asiya regionları üzrə yüksək beynəlxalq mükafat alıb.
"Layihə mükafat alıb, belə ki, insanların həyatını xeyli yaxşılaşdırıb. Bunu təsdiq etmək üçün onun yaxşı sənədləşdirilmiş sübutları və nəticələri olmalıdır, - Ouen deyib. - Bizim böyük uğurlu siyahımız var - möhkəm infrastruktur, səhiyyə statistikasının yaxşılaşması, istehsalın, yolların, süni suvarma sisteminin və bir çox şeylərin yaxşılaşması".
Onun sözlərinə görə, layihənin ikinci mərhələsində tərəflər dəstəkdən maliyyələşdirməyə keçməyi planlaşdırır. Burada məqsəd bu əsasda sosial kapitalı maliyyəyə çevirmək üzrə mexanizmin qurulmasıdır.