Azərbaycan, Bakı, 17 mart /Trend/
Azərbaycan Beynəlxalq Bankı (ABB) müştərilərinin tələbatını təmin etmək məqsədilə bayram günü - martın 22-də işləyəcək. Trend-in məlumatına görə, bu barədə jurnalistlərə ABB-nin idarə heyətinin sədri Changir Hacıyev bildirib.
Onun sözlərinə görə, martın 22-də bankın Sabunçu, Gəncə və Sumqayıt filialları bütün iş günü ərzində fəaliyyət göstərəcək.
"Bundan savayı, ABB-nin bütün filialları bankomatların fasiləsiz işini və əhalinin bayram və istirahət günlərində nağd pula tələbatını təmin etmək məqsədilə onların nağd vəsaitlə doldurulmasını təmin edəcək", - Hacıyev deyib.