Azərbaycan, Bakı, 9 aprel / Trend, müxbir E.İsmayılov/
Bu gün səhər saatlarında Bakı Metropolitenində qatarların hərəkət cədvəlində böyük fasilə müşahidə olunub. Bu barədə Trend-in Bakı Metropolitenindəki problemin şahidi olmuş müxbiri xəbər verir.
Bəzi stansiyalarda qatarlar arasında fasilə 7-8 dəqiqə, "Azadlıq" stansiyasında isə 14-15 dəqiqəyə çatıb.
Bazar ertəsi Bakı Metropolitenindən Trend-ə verilən məlumata görə, qatarların hərəkətində problem olmayıb. "Qatarlar arasında belə fasilə ola bilməz. Onlar arasında maksimum interval 4-5 dəqiqəni ötmür", - Bakı Metropolitenindən deyiblər.