Azərbaycan, Bakı, 16 aprel /Trend, A.Axundov/
2011-ci ildəki fəaliyyətin yekunları üzrə Azərbaycanın "Qarant Sığorta" sığorta şirkətinin aktivləri ötən ilin əvvəlinə (10,55 milyon manat) qarşı 3,1 faiz artaraq 10,88 milyon manat təşkil edib. Trend-in məlumatına görə, bu barədə bazar ertəsi şirkətin rəsmi mətbuatda dərc edilən balans hesabatında deyilir.
Sığorta şirkətinin maliyyə hesabatlılığının auditini "Kaspian Konsaltinq" şirkəti aparıb.
2011-ci ilin sonunda şirkətin uzunmüddətli aktivləri il ərzində 14,45 faiz azalaraq 1,107 milyon manat, qısamüddətli aktivləri isə illik 5,54 faiz artımla 9,77 milyon manat təşkil edib.
2011-ci ildə pul vəsaitlərində və onların ekvivalentlərində 4,238 milyon manat, depozit hesablarında 3,469 milyon manat yığılıb.
2011-ci ilin yekunları üzrə "Qarant Sığorta" şirkətinin ödənilmiş nizamnamə kapitalı 4 milyon manat səviyyəsində olub, il ərzində dəyişməz qalıb. 2010-cu ilin sonunda bu rəqəm 3,1 milyon manat olub.
Şirkət 2011-ci ili 353,5 milyon manat həcmində zərərlə başa vurub.
Ötən ilin sonuna şirkətin məcmu kapitalı 2010-cu illə müqayisədə 10,3 faiz azalaraq 3,084 milyon manat təşkil edib.
Şirkətin nizamnamə öhdəlikləri 11,79 faiz artaraq 7,796 milyon manat, ümumilikdə kapital və öhdəliklər isə 3,1 faiz artımla 10,88 milyon manat təşkil edib.
Ötən ilin yekunları üzrə şirkətin gəlirləri 9,23 milyon manat, xərcləri 9,58 milyon manat olub.