Azərbaycan, Bakı, 1 noyabr /Trend, müxbir A.Axundov/
Kənd Təsərrüfatı Nazirliyi ölkədə istehsal edilən buğdanın satışı ilə bağlı vəziyyətin yaxşılaşacağını vəd edir. Trend-in məlumatına görə, bu barədə cümə axşamı jurnalistlərə kənd təsərrüfatı naziri İsmət Abasov deyib.
"Azərbaycanın iqlim şəraiti dənli bitkilərin istehsalı üçün çox əlverişlidir. Belə şəraitdə bizdə çox keyfiyyətli buğda bitir. Digər məsələ ondan ibarətdir ki, bir çox hallarda fermerlər istehsal edilən buğdanı təmizləyə bilmirlər. Bu səbəbdən də onlar öz məhsulları üçün alıcılar tapmaqda çətinlik çəkirlər", - Abasov qeyd edib.
Onun sözlərinə görə, fermer öz məhsulunun satışı ilə məşğul olmalı deyil.
"Fermerə lazımdır ki, iri dəyirman sahibləri gəlib bu məhsulları alsıblar. Bu düzgün yanaşmadır, çünki fermer öz məhsulunun satışı ilə məşğul olmalı deyil, o, məhsulu yalnız istehsal etməlidir. Biz vəziyyətin yaxşılaşması üzərində işləyirik və bu məsələlər yaxın vaxtlarda öz həllini tapacaq", - Abasov bildirib.
