Azərbaycan, Bakı, 29 noyabr /Trend, müxbir E. İsmayılov/
Xəzər dənizi limanları perspektivdə sərnişindaşımaların təşkil edilməsi imkanını nəzərdən keçirə bilərlər. Bu barədə cümə axşamı Trend-ə Bakı Beynəlxalq Dəniz Ticarət Limanından məlumat verilib.
"Gələcəkdə tələbat olarsa, limanlar arasında sərnişindaşımalar imkanlarının nəzərdən keçirilməsi planlaşdırılır", - mənbə qeyd edib.
Onun sözlərinə görə, bu məsələ, həmçinin bu yaxınlarda keçirilən Xəzəryanı ölkələrin liman administrasiyalarının IV birgə beştərəfli iclası zamanı müzakirə mövzusu olub.
Xəzəryanı ölkələrin liman administrasiyalarının növbəti beştərəfli iclasının 2013-cü ildə Bakıda keçirilməsi planlaşdırılır.